Diplómataleikritið....fyrsti þáttur..atriði ráðherra: Að beygja sig í duftið

1. þáttur. Hvaða deila? Ber ég ábyrgð á því að gírugir og illa gefnir Bretar létu hreinræktaða Íslenska asna plata sig? 

Ráðherrar sem þykjast vera voða miklir diplomatar og samningafólk  (sem þurfa ekki að "semja" um eitt eða neitt fyrir mig og mína)  leika aðalhlutverkin. Ráðherrann hrópar fagnandi: "Öll viðskipti okkar verða nú niðurgreidd af íslenskum skattgreiðendum"!

Þingheimur, sem kemur saddur og syfjulegur inn frá matstofunni á sviðið hægra megin, jarmar : "Já, já og atvinnustopp, atvinnustopp!"

Bankamálaráðherrann dettur síðan inn á sviðið með óskiljanlegri yfirlýsingu um stöðu banka sem er gjaldþrota. Hann fer síðan endanlega af sviðinu til vinstri. Kemur ekki meir við sögu í þessu leikriti.

Bjöggi hvíslari brosir. Og tjaldið fellur.

Milliríkjadeilunni verður að ljúka

Athugasemdir

[Heidi Strand, 14.11.2008 kl. 13:41]

Þetta er tragedía.

[Sigmar (IP-tala skráð) 14.11.2008 kl. 21:33]

Þeir eru að láta breska handrukkara ná í pening hjá sér.

[Friðrik Hansen Guðmundsson, 15.11.2008 kl. 02:09]

Já, vandamálið er að þú berð ábyrgð á þessum reikningum eins og ég. Stjórnvöld leyfðu Landsbankanum að safna innlánum í Evrópu inn á banka hér á Íslandi. Þar með eru þeir á ábyrgð Seðlabanka Íslands. Kaupþing og Glitnir söfnuðu sínum innlánum inn á reikninga í viðkomandi löndum og þeir eru því á ábyrgð Seðlabanka viðkomandi landa. Íslensk stjórnvöld leyfðu Landsbankanum með aðgerðum sínum og aðgerðarleysi að veðsetja þjóðin fyrir þúsund milljarða króna. Bankinn á einhverjar eignir upp í þetta en restina þurfum við að greiða, ég og þú.

Þess vegna vil ég að þeir sem veðsettu þig og mig axli sína ábyrgð. Ég teysti þessum mönnum ekki lengur. Ég vil alls ekki að mennirnir sem gerðu Ísland gjaldþrota haldi áfram að sýsla með okkar fjármál...