En hvað með göng og styttingu veglína?

Nú þegar samgönguráðherra hefur lýst sýn sinni í vegamálum er rétt að staldra við. Eins gott og það er að fjórfalda vegi, lýsa þá upp og breikka, og reisa göngubrýr, er ljóst að mikið af þeim 26-18 eða 24 hjóla trukkum sem aka á vegunum, eru með farm sem allt eins gæti duggað sér í hraðskreiðum skipum milli hafna landsins (sem eru líka samgöngumannvirki). Það sem er helst til vandræða eru vegatálmar, ónýtar brýr, fjallvegir sem verða ófærir, lélegir vegir án slitlags.Lækning þessara meina er fyrst og fremst fólgin í gangagerð, styttingu veglína og góðar brýr. Flugvellir eru einnig samgöngumannvirki, vannýtt og þarfnast viðhalds og þar eru einnig tækifæri. Fjórföldum vegina, húrra fyrir því, en gleymum ekki því sem út af stendur.

Athugasemdir

[Arnljótur Bjarki Bergsson, 24.11.2006 kl. 02:57]

Ef stytta á vegalengdir er best að leggja vegi eftir beinum línum, og láta af öllu miðju moði í samgöngumálum.

[Sigríður Jónsdóttir (IP-tala skráð) 25.11.2006 kl. 19:12]

Sammála því að það var röng ákvörðun að afleggja strandflutninga. Nýjar ákvarðanir þarf og rökstuðningur ætti að vera haldbær með fenginni reynslu, slysa- og vegarannsóknum.

Sigga