Að styðja sitt fólk?

Húsavíkurflugvöllur er aulaflugflugvöllur.

Þar er ekki öryggi í fyrirrúmi

Það kviknar öruggglega í vélinni á Húsavíkurflugvelli

Á Húsavíkurflugvelli eru bara aular í vinnu sem geta ekki neitt

Það er stórhættulegt að lenda og taka flugvél upp frá Húsavíkurflugvelli

Þingeyingar eru alls ekki bjánar sem hlýða hvað vitleysu sem er,  þeir gera það án umhugsunar

Slökkviliðsmenn eru sómakærir valinkunnir sómamenn

 

Til hamingju aðalsteinn árni baldursson formaður verkalýðsfélagsins - þú "sigraðir" og nú er veisla(eru þeir enn í búningum í opinberri eigu?)!

En þú þorðir ekki að vera á flugvellinum OKKAR í dag og  hvar varst ÞÚ ?

 

 

Verkfallsverðir í góðu yfirlæti

Sigur hinna freku!

Verkfallsaðgerðir slökkviliðsmanna á Húsavíkurflugvelli voru grátbroslegar. Þarna voru mættir einhverjir tugir slökkviliðsmanna frá Reykjavík, Akureyri og Húsavík. Þeir voru gráir fyrir járnum , í stórum og sterklegum slökkviliðsbúningum, stórir menn og stæðilegir, og með hjálma og fleira dót. Þrátt fyrir að þessir vösku slökkviðiliðsmenn væru þarna í öllum sínum skrúða, töldu þeir að öryggi allra sem þarna voru, væri mikil hætta búin.

Reyndu þeir að hindra fólk í að komast að flugstöðinni með litlum árangri enda erfitt að hreyfa sig í öllum skrúðanum (sem er í opinberri eigu auðvitað)

En þeir sigruðu. Þeir gjörsigruðu milli 20-30 útlendinga sem mættir voru á völlinn í góðri trú og skildu auðvitað ekkert í öllum þessum slökkviliðsmönnum sem voru sífellt að telja þeim trú um að þrátt fyrir að flugsstöðin væri full af vel búnum slökkviliðsmönnum væri stórhættulegt að vera þarna vegna eldhættu!

Lögreglan studdi verkfallsmenn dyggilega, sinnti útkalli bæði seint og illa. Enda alltaf eitthvað gott í bakaríinu. Er það orðið íhugunarefni hvernig þjóð, sem nýbúin er að slátra sjálfri sér í peningamálum getur hafið enn eina herferðina gegn eigin hagsmunum. Við megum veikjast, slasast og brenna án þess að nokkur lyfti fingri, og ofbeldi og yfirgangur ræður ríkjum. En kauphækkun skal það vera.

Þrátt fyrir takmarkaða samúð mína með Flugfélagi Íslands þá verð ég að segja að lágkúra verkfalla náði nýjum lægðum í dag með aðgerðum slökkviliðsmanna. Rétt er að óska verkalýðshreyfingunni til hamingju með þennan "sigur".  Þetta er líklega það sem koma skal.

Ekkert flogið norður síðdegis

Eru líf okkar og limir í höndum svona manna?

Þetta er ómerkilegur málflutningur .....þeir sem halda uppi svona ógnaráróðri vonast vonandi ekki eftir óhöppum? Myndi það bjarga verkfallsbaráttu þeirra sem snýst alfarið um að farþegar komist ekki til Húsavíkur af öllum stöðum? Er hryðjuverkahótun í uppsiglingu?

Það er best að drífa sig út á flugvöll og horfast í augu við svona fólk.

Hleypa farþegum ekki út

Ekkert verkfallsbrot

Þá er það komið á hreint....hér er alls ekki um neitt verkfallsbrot að ræða. Málið komið af einhverju ímynduðu gráu svæði og liggur hreint og tært fyrir. Ef þeir sem vilja gera Húsavíkurflugvöll að verkfallsvopni sínu fara ekki að lögum verður að leysa þá uppákomu.

Slökkviliðsmenn geta því farið heim og barist í sínu verkfalli við viðsemjendur sína og launagreiðendur en ekki níðst á saklausum farþegum til Norðurlands.

Sjálfsagt munu þeir vera rassíðir slökkviliðsmennirnir ef kviknar í hjá mér, en það nægir ekki til að kúgunar hér  Þingeyjarsýslum. Faí ég hjartaslag munu einhverjir aðrir sjá um að drusla mér til læknis.

Ef ég sem tannlæknir færi nú í verkfall - og bannaði öllum að fara til lækna  og kæmi í veg fyrir það með öllum ráðum (sérstaklega með flugi!) - þætti verkalýðsrekendum það ekki afskaplega eðlilegt?

Bíll frá Bakka til Húsavíkur

Nýtum beina flugið til og frá Húsavík

Lending er á Húsavíkurflugvelli klukkan 14:45, 16:45, 18:00 og 20:30. Þeir farþegar sem ætla að til Reykjavíkur með þessum vélum fá sent brottfrarspjald frá afgreiðslu Flugfélagsins á Akureyri.

ÞINGEYINGAR: Tökum vel á móti farþegum og áhöfn

Engin sátt og verkfall í dag

Enginn verkfallshugur í Þingeyingum

Við ætlum að taka vel á móti farþegum og áhöfn. Ókeypis akstur í fyrsta flugi í tilefni dagsins frá flugvelli til Húsavíkur þessa litlu 10 km.Verið velkomin í Þingeyjarsýslur. Við mætum.

Ætla að stöðva flugið

Við munum taka vel á móti öllum á Húsavíkurvelli

Við bjóðum farþega og áhöfn velkomin til okkar og væntum þess að allir virði rétt farþega og atvinnurekenda sem ekki eru í verkfalli að nýta sér Húsavíkurflugvöll.

Allt tal um skemmdarstarfsemi og hindranir á eðlilegri vinnu fólks eru fáránleg uppátæki verkalýðsrekenda. Hvað vilja slökkviliðsmenn á Akureyri? Jú, hærri laun hjá atvinnurekanda sínum sem er hvorki flugfélög né farþegar.

Látum ekki beita flugvellinum á Húsavík sem vopni í kjarabaráttu sem kemur flugi og farþegum ekkert við

Boða flug til Húsavíkur

Misnotkun á verkfallsrétti

Þessi hópur, sem á sjálfsagt í afar sanngjarnri kjarabaráttu, beitir fyrir sig farþegum í innanlandsflugi til að ná einhverjum árangri í verkfalli gegn viðsemjendum sínum (ríki og sveitarfélögum).  Gegn farþegum sem fara til Húsavíkur!

Flugið til Húsavíkur gekk vel og allir ánægðir með þessa lausn. Þar vann enginn sem stóð í verkfalli en Akureyskir slökkviliðsmenn reyna nú að koma í veg fyrir að ferðamenn komist norður í land þó það komi slökkviliði og sjúkraflutningum ekkert við.

Og svo tala þessir menn um öryggi ! Verkalýðsforingi á Húsavík er síðan notaður til að berja á fólki sem er aðeins að vinna sína vinnu og taka þátt í að nýta ferðamannatímann eins og kostur er.

Ég tel að hér sé skýrt að ekkert í flugi til Húsavíkur sé brot á einum eða neinum, hvorki samningum nésanngirni.

 

Telur að framið hafi verið verkfallsbrot

Gestrisni, já takk

Þrátt fyrir fagnaðarlæti formanns Framsýnar vegna þess að Akureyskum slökkviliðsmönnum hugnaðist að nota flugvöll okkar sem verkfallsvopn þá eru enn framsýnir aðilar hér á Húsavík. Þeir hafa sér til gamans ákveðið að gefa öllum farþegum,sem koma með fyrstu áætlunarflugvél til Húsavíkur í tíu ár, gjafabréf í hvalaskoðun og myndabók um Demantshringinn auk afsláttar í gistingu.

Þannig viljum við taka á móti gestum okkar en ekki tryggja að þeir húki í Reykjavík eins og formaður verkalýðsfélagsins óskar sér.

Það eru Bókaverrslun Þórarins Stefánssonar, Norðursigling og Kaldbaks - kot sem að þessu standa. Vonandi sjáumst við á vellinum nú klukkan 1445

Sorglegur málflutningur með lýðskrumsívafi.

Við hin á Húsavík fögnum því að flugvöllurinn í Aðaldal, Húsavíkurflugvöllur, komist loks í gagnið. Þannig geta flugrekstraraðilar og farþegar kynnt sér aðstæður,  og gögn og gæði vallarins. Á engan annan hátt er hægt að berjast fyrir flugsamgöngum til Þingeyjarsýslna. Ef formaður Framsýnar hefur ekki meiri framtíðarsýn fyrir flugvöllinn en að hann verði vopn í verkfalli þá er ekki furða að hér gangi fjöldi manna um á atvinnuleysisbótum á opinberu framfæri.

Formaður verkalýðsfélgsins á staðnum er þannig á móti því að gestir okkar, erlendir og innlendir ferðalangar, komist til að nýta sér þjónustu okkar og upplifa náttúruna hér. Fyrir lá að Flugfélagið á ekki neinni deilu við verkfallsliða og ætlaði reyndar að fljúga til Sauðárkróks ef flugvöllurinn í Aðaldal, Húsavíkurflugvöllur, lokaðist í aðgerðum Akureyskra slökkviliðsmanna.

Það myndi líklega gleðja formanninn.

Gagnrýnir Flugfélag Íslands