Og reynitré í staðinn !!!??????

Það vita allir sem hafa lifað með trjám að það eru reynitré sem geta brotið sér leið inn í skólprör og leiðslur. En einhver tré munu  lifa okkur og eiga eftir að brjóta niður þessi vesölu mannanna verk við Austurvöll, en gaman hefði verið að njóta þeirra eitthvað í stað þess að drepa þau.

Skammsýni og sýndarmennska

Aumingja gangstéttarhellurnar og guð hjálpi þeim himnafeðgum í kirkjunni að þurfa að hlusta á þytinn í trjánum, og gott eiga borgarbúar að þurfa nú að standa af sér rokið og rigninguna án nokkurs skjóls, trén hafa auðvitað meitt og skaðað fjölda borgarbúa, eyðilagt alla gleði og mikinn glaum íbúanna. Aspirnar hafa einnig afvegaleitt æsku landsins, verið alltof stórar, veitt alltof mikið skjól, skyggt á kirkjuna og Alþingishúsið. Guð minn góður og laufin hafa ef til vill fallið á höfuð mektarmanna!

Trén hafa bundið alltof mikið af kolvetni, verið alltof góð við mannfólkið, veitt alltof mikið skjól, glatt alltof marga. 

Já, gott var að sýna þann manndóm að fella falleg tré með mikla sögu, með stórri sög.

Og best er að öllum er skítt sama.

Aspartré felld við Dómkirkjuna

Frábær misskilningur !!!!

Að vonast eftir því að Íslendingar í atvinnuleit í Noregi komist í spor almennra hælisleitenda og annarra innflytjenda er undarleg nálgun þessara "vísinda". Enn er það svo, meira að segja í Noregi, að dugnaður og atorka er metin til góða. Að einhver háskólanemi á Íslandi geti fullyrt, með yfirlæti og hneykslun, að einhverjir Íslendingar "hagnist" á neyð annarra í Noregi er dæmi um "nám" og "vísindi"sem léttilega er hægt að spara þjóðinni.

Sem betur fer er sú smán og niðurlæging á undanhaldi að Íslendingar fari til annarra landa til að komast í félgsmálapakka annarra landa. Nóg er af sliku heima. Það eru ekki íslenskir atvinnuleitendur sem hafa skapað einhverja "jákvæða mismunun" heldur hugarfar og viðhorf í Noregi. Það er gott og vonandi gildir það sama heima.

Það er einfaldlega þannig að lífsviðhorf Íslendinga sem leggja á sig að vinna í öðru landi eru sérstök og engin undarleg  "rannsókn " breytir því. Aðrar þjóðir hafa önnur viðhorf, aðra lífssýn, það er gott. Mestu letihaugar og ómenni sem ég hef kynnst eru raunar Íslendingar . Sem betur fer haldast þeir nú heima á landinu sem skóp þá og eyðileggja ekki orðspor þeirra sem raunverulega þurfa og vilja vinna fyrir sínu.

En að þessi rannsókn sé á háskólastigi segir nú mikið um stöðu íslenska menntakerfisins.

 

Íslendingar í forréttindastöðu