Allir vilja álversvísur kveðið hafa!

Nú er það staðfest
Eftir frábæra fyrirspurn Ólafar Nordal til umhverfisráðherra um álver á Norðurlandi er ljóst að á þingi er mikill meirihluti sem styður virkjanir og atvinnuuuppbyggingu um land allt.
Katrín Júlíusdóttir, Einar Már Sigurðsson, Arnbjörg Sigurðardóttir, Grétar Mar Sigurðsson, Valgerður Sverrisdóttir o Höskuldur Þórhallsson lýstu öll yfir stuðningi við sjálfbæra verkefnið: álver á Bakka við Húsavík.
Einhver þrumuský yfir ráðherra umhverfismála
En Össur brosti út í horni, sem og Kristján Þór. Sama gerðu margir þingmenn, fegnir að þetta mál er á góðri siglingu.

Hitt er jafnljóst að umhverfisráðherra ætlar að leggja sig fram um að eyðileggja alla nýtingu okkar fáu náttúruauðlinda og nýtur stuðnings síns flokks. Vonandi verður hún ekki send á neinar ráðstefnur til að spilla þjóðþrifamálum sem eru til þess að koma okkur út úr vandræðum líðandi stundar.

Nú verður farið í nauðsynlegar rannsóknir á Norðurlandi til að koma þessu verkefni í höfn

Með hamningjuóskum til okkar allra.

Athugasemdir

[krumminn, 11.2.2009 kl. 20:42]

Sæll Sigurjón, um leið og ég vil þakka þér þína vöktun og góðu áminningar um að menn láti í  sér heyra þá datt mér í hug að láta þess getið að ég sá póst frá þér í morgun þar sem þú talaðir um framhleypni Ólafar á þingi í dag, ég beið spenntur eftir að heyra um þessa umræðu bæði í fréttum í útvarpi og svo í sjónvarpinu.

En viti menn ekki heyrði ég eða sá nokkuð um þetta góða mál okkar, en ef það gæti nú hafa fallið um þetta nokkur orð á hef ég dottað á meðan, en viti menn í sjónvarpinu var sko ekki bara frétt heldur viðtal við þann merka mann sem telst vera sveitastjóri í Þingeyjarsveit um kísilverksmiðju ef ég heyrði rétt, já kísilverksmiðju, ekki kísilstálþynnu eða hvað það var sem menn töluðu um.

Ég spyr getur þetta snúist um pólitík, er hugsanlegt að þessi ágæti maður sé vinstri grænn eða hvað ?

Ef svarið er já þá spyr ég hvað þarf til að ná eyrum þeirra sem flytja fréttir og ættu að koma með mikið af jákvæðum fréttum og sleppa að mestu fréttum af mótmælum allavega þar til mótmælendur láta sér detta í hug að fara alla leið að Bessastöðum.