Ertu ekki glaður og ánægður?

Það er varla fréttnæmt að ríkisrekna náttúrusnobbið fagni óförum almennings í atvinnumálum. Og sjálfsagt er það besta mál að sveitarfélög tapi stórum fjárhæðum. Vonarneisti fólks slokkni. Úrskurður umhverfisráðherra veldur öllu þessu enda byggður á kæru ríkisrekna náttúrusnobbsins , Landverndar.

Einhver Jón Ólafsson sem greiddi kosningabaráttu Þórunnar Sveinbjarnardóttur lét ráðherrann breyta úrskurði sér í hag vegna vatnsverksmiðju í Þorlákshöfn. Álver og virkjanir tengdar Helguvík þurfa auðvitað ekki að fara í neitt stoppferli, mixað í umhverfisráðuneytinu. Það er of nærri greni ráðherrrans. Að hafa ráðherra í vasahorninu er ekkert slor á Íslandi. Til hamingju Landvernd...þetta er flott hjá ykkur!

Dregur úr líkum á álveri

Athugasemdir

[Jón Aðalsteinn Jónsson, 3.11.2008 kl. 08:16]

Skora á ykkur að láta þetta ekki yfir ykkur ganga farið í mótmælagöngur eins og kaffilatteliðið hérna fyrir sunnan og látið rödd ykkar heyrast krefjist til dæmis að apparatið hans verði lagt niður til sparnaðar.

[Magnús Dan Bárðarson (IP-tala skráð) 3.11.2008 kl. 08:37]

Það er nú svo að meiri hluti er á móti frekari uppbyggingu álvera á Íslandi og vonandi fer ríkisstjórnin eftir þeim vilja hvað svo sem þröngur hópur manna á ákveðnu svæði eins og þú talar fyrir vill álvæða af því að það hentar þeim tímabundið.

[Guðni (IP-tala skráð) 3.11.2008 kl. 09:10]

Mig minnir að það hafi verið litið niður á fólk úti á landi þegar það var að biðja um fjárhagslega aðstoð við að byggja upp atvinnu á landsbyggðinni fyrir nokkrum árum síðan. Þá var það kallað landsbyggðarvandamál, fólk átti bara að læra að bjarga sér sjálft og hætta að treysta á að ríkið hjálpaði alltaf til. Svo fór herinn. Hvað gerðist þá? Fólk á höfuðborgarsvæðinu, ráðherrar þar á meðal, kröfðust þess að eitthvað yrði gert fyrir fólkið á svæðinu ekki seinna en strax, svo óskaplega stór hluti af fólkinu hafði misst atvinnuna. Og það var gert. Húsin sem herinn hafði notað voru boðin lægstbjóðendum(landsbyggðin græddi lítið á þeirri sölu), nýr háskóli var gangsettur og álver var svo auðvitað berið á kökuna. Þetta var allt keyrt í gegn 1 2 og 3. Hvernig var brugðist við þegar flestir í Mývatnssveit misstu atvinnuna þegar hætt var að dæla upp kísilgúr? Það stóð lengi til að loka henni en ekkert var undirbúið í millitíðinni af ríkinu, svo stóðu tugir manna uppi atvinnulausir og engar úrlausnir. Þá voru náttúrverndarsinnar stoltir, búnir rústa fjárhag margra fjölskyldna, töfralausnin var sú að fólkið seldi bara húsin sín og flytti suður, ekkert mál. Að hugsa sér að hafa það eitt að markmiði í lífinu að gera fólki úti á landi eins erfitt fyrir og hugsast getur. Ríkið borgaði mönnum í tugi ára fyrir það að reyna að finna eitthvað sem gæti eyðilagt byggðarlagið í sveitinni. Það er víst ekkert annað sem náttúruverndarsinnar þekkja en að fá lagt inn á reikninginn í lok hvers mánaðar alveg sama hversu ómerkilegt starf var unnið í millitíðinni. Hvernig væri að Þórunn byrjaði á að verka saurinn úr tjörninni áður en farið er út á land til að hjálpa fólki þar við að halda þeirra garði hreinum.

[Sigurður Þórðarson, 3.11.2008 kl. 09:18]

Áhrifamenn í Samfylkingunni eru mjög áberandi á mótmælafundum á Austurvelli og í Tjarnargötu.

Hvernig væri að sjálfstæðismenn sameinuðust nú samstarfsfólki sínu í ríkisstjórn og tæki þátt í mótmælum gegn  ríkistjórninni?

Þú hefur áreiðanlega komið suður af óverðugra tilefni.

[Sigurður M Grétarsson, 3.11.2008 kl. 09:20]

Úrskurður umhverfisráðherra hefur nákvæmlega ekkert með þetta að gera. Verð á áli hefur lækkað mikið og því eru álver í heiminum almennt að draga saman í framleiðslu sinni og loka óhagstæðustu álverum sínum. Einnig er mikil lánsfjárkreppa í heiminum þannig að álrisar eiga erfitt með að fjármagna stórverk eins og álver á bakka. Þar að auki er lánstraust íslenska ríkisins og Landsvirkjunar mjög lítið um þessar mundir þannig að erfitt gæti reynst að fjármagna virkjanir fyrir álver á Bakka öðruvísi en að það væru útlendir aðilar, sem væru eigendur þeirra virkjana.

Það er þetta, sem veldur því að nýtt álver á Bakka er sett á salt en ekki úrskurður umhverfisráðherra, sem gerið ekkert annað en að fara fram á fagleg vinnubrögð við umhverfismat.

[Sigurður Hrellir, 3.11.2008 kl. 09:50]

Tannlæknir á Húsavík = kjaftaskur.

[Bjarki S (IP-tala skráð) 3.11.2008 kl. 09:55]

Þetta er rétt hjá Sigurði hér að ofan. Það er fráleitt að klína þessari frestun á umhverfisráðherra. Alheimurinn snýst ekki um Þingeyjarsýslur og það eru stærri hlutir að gerast í heiminum sem enginn á Íslandi hefur stjórn á. Núna er einfaldlega ekki tíminn til þess að fjárfesta í nýjum álverum, fjármögnunin er of erfið og óvissan um þróun álverðs of mikil. Forsvarsmenn álfyrirtækjanna munu aldrei viðurkenna það opinberlega að álverðið haldi áfram að lækka næstu 1-2 árin en það sjá það samt flestir að það verður raunin ef samdráttur verður á heimsvísu. Hrávöruverð eru mjög viðkvæm fyrir efnahagsástandinu á hverjum tíma.

Ég vona að Húsvíkingar hafi ekki verið farnir að líta svo á að álrisinn væri í góðgerðarstarfsemi og hefði sérstakan áhuga á styrkja byggð á norðausturlandi. Alcoa er í bisness og eins og staðan er þá eru viðskiptalegar forsendur Bakkaálvers ekki fyrir hendi. Ekki í bili. Krafa umhverfisráðherra um fagleg vinnubrögð við umhverfismat í samræmi við EES-skuldbindingar okkar hefur minnst með þetta að gera.

[Villi Asgeirsson, 3.11.2008 kl. 10:41]

Siguurður Grétarsson og Bjarki sögðu allt sem segja þurfti. Ég vona að tannlæknirinn sé ekki eins þröngsýnn og hann spilar sig.

Það er auðvitað bjánalegt að halda því fram að einhver sé ánægður með ástandið eins og það er.

[Guðni (IP-tala skráð) 3.11.2008 kl. 11:29]

Fyrst að álútfluttningur skilar okkur svona litlum tekjum að þá er spurning hvort það er þá nokkur ástæða til þess að reisa álver í Helguvík, eða stækka í Straumsvík og fara í virkjanaframkvæmdir því tengdu. Við Íslendingar vöðum hreinlega í seðlum og það er ekkert með það að gera að erlend fyrirtæki bjóðist til þess að koma inn í landið með fjármagn, mikið eða lítið.

[Gunnar Th. Gunnarsson, 3.11.2008 kl. 13:42]

Sigurður M. og Bjarki, þetta er alveg rétt hjá ykkur, en það breytir því ekki AðBergur Sig og Landvernd hafa barist gegn svona framfaramálum af mikilli heift. Sigurður Hrellir er málefnalegur að vanda