Stjórnmál á villigötum?

Einhvern veginn finnst mér að stjórnmálamenn hafi aðeins misskilið hlutverk sitt. Eftir áralanga og vissulega eðlilega þróun í þá átt að minnka völd og rekstur ríkisapparatsins er nú svo komið að það er ekkert eftir fyrir löggjafann nema byrja upp á nýtt að semja þrengingarlög og reglugerðarfargan til að hanga á einhverjum völdum og störfum fyir embættismennina sem hafa alltaf haft stjórnmálamennina í gíslingu. Ekki hefur báknið minnkað og völdin eru sífellt að færast meir til embættismanna sem eru td á mun hærri launum en stjórnmálamenn. Stjórnmálamenn eiga að taka ákvarðanir og láta embættismenn vinna að framgangi þeirra ákvaraðna. Ekki flókið og alls ekki öfugt.

Athugasemdir

[Aðalsteinn J. (IP-tala skráð) 7.12.2006 kl. 16:29]

Ég gæti ekki verið meira sammála. "Nýskipan í ríkisrekstri" virðist vera komið skammt á veg hér á landi og hefur litlu skilað hingað til. Þó er enn von um að þetta ferli muni skila árangri þar sem reynsla annarra landa sýnir að þetta getur tekið ansi langan tíma.

Það skyldi þó ekki vera að "báknið burt" slagorðin verði dreginn aftur upp í komandi kosningabaráttu?