Hjááálp!

Er enn fastur í umferðarteppunni við Garðabæ. Ef einhver velviljaður á þyrlu þá vinsamlegast náið í einhverja sem eru búinir að vera þar á hringsóli á 2 km hraða á klukkustund í langan tíma. Veðurlýsing: Rigning úr öllum áttum lárétt. Skyggni lélegt. Mikið af bílum á ferð, eða réttara sagt á afar hægri ferð.
Skrifa þetta á síðustu elektrónum ferðatölvunnar. Ef ekkert spyrst til mín á morgun vinsamlegast greiðið úr umferðarflækjunni. Æ, hvað það væri gott að vera kominn heim...hulk..

Athugasemdir

[Herbert Guðmundsson, 28.12.2006 kl. 23:43]

Trúlega ertu löngu sloppinn úr þessari umferðarteppu, enda engar fréttir aðrar en frá þér um þennan persónulega vanda þinn. Hvað varstu annars að þvælast í umferðarteppu, kanntu ekkert á umferð höfuðborgarsvæðisins og lætur bara reka á reiðanum? Ég bý hérna á svæðinu - hef líka búið fyrir norðan - og aldrei lent í svo átakanlegum umferðarvanda að missa næstum ráð og rænu, hvað þá síðustu elektrónuna, bara hvergi nærri. Ertu viss um að vera í lagi annars? Bestu kveðjur, -herb.

[Sigurjón Benediktsson, 29.12.2006 kl. 09:41]

Slapp, og er í þokkalegu lagi Herbert minn. Hvað er ég annars að þvælast í umferðinni yfirleitt, ætti ég að spyrja. Af hverju er ég ekki bara heima hjá mér? Og hvað varst þú - og allir hinir - að þvælast fyrir mér í Garðabænum og búa til umferðarteppu?