Gagnaver númer hvað? Númer 8...9...eða 89?

Greenstone braskararnir eru duglegir við að láta saklausa sveitarstjórnarmenn og útsendara flokkanna skrifa undir hitt og þetta og oftast til að sýna fram á "eitthvað annað" sé kannske til- ef hitt og þetta er til staðar. Greenstone hefur samkvæmt fréttum platað undirskriftir og einhverskonar loforð frá mörgum sveitarfélögum og fyrirtækjum sem voru "tilbúin" með lóðir og aðstöðu undir gagnaver.

Meðal þessara staða eru Blönduós, Hafnarfjörður, Fjallabyggð, Ölfus, Skeiðahreppur, Gnúpverjahreppur, Fljaótsdalshérað, Egilsstaðir, Árneshreppur, Dalvíkurbyggð, Húnaþing, Grundartangi ofl ofl.

Á heimasíðu stendur : "Greenstone is a real estate company...." og ef einhver veit ekki hvað það þýðir þá er það FASTEIGNAFÉLAG. Greenstone ætlar ekki og getur ekki rekið neitt gagnaver heldur er að koma sér upp aðstöðu sem óþarfa milliliður og selur "loforð" saklausra sveitarstjórna um allan heim. Landsvirkjun greyið lét plata sig í einn samning um að afhenda orku í Þorlákshöfn en síðan ekki sögun ameir. Auðviytað skotgengur þetta núna með þessa líka verndara.

"Verndarar" félagsins eru Ólafur Ragnar Grímsson og Kristján L Möller. Við vitum nú hvað þeir eru að "vernda". Það breytist ekkert. Þeir eru svo brattir að birtast á heimasíðu félagsins til að gefa því heilbrigðisvottorð. Ekki hafa þau votttorð reynst vel.
Sérstaklega er tekið fram á vefsíðunni í smáaletrinu að engir innan Greenstone lofi einu eða neinu um framgang mála!!!! ....... enda eins gott fyrir þá ...því þetta er bara ein svikamyllan enn.

Stefnt að gagnaveri í Þingeyjarsveit

Athugasemdir

[Maggi Halldórs (IP-tala skráð) 12.10.2009 kl. 17:29]

Já þetta er einkennilegt. Ef að gagnaversiðnaðurinn mun tvöfaldast á næstu fjórum árum hér á landi, þá þýðir það væntanlega að Greenstone verður komið hringinn í kringum landið, með fangið fullt af viljayfirlýsingum, en ekkert starfandi gagnaver!

kv

MH

[Sveinn Óskar Sigurðsson (IP-tala skráð) 12.10.2009 kl. 21:01]

Kæri Sigurjón

Ég vil þakka þér fyrir áhugan á starfsemi félagsins. Til að árétta um yfirlýsingar félagsins er vel skiljanlegt að þetta sé misskilið.

Varðandi gagnaver skal vísað í ljóð eftir hið ástkæra skáld Huldu (Unni Benediktsdóttur Bjarklind úr Laxárdal í Suður-Þingeyjarsýslu): Gef barni frið og fegurð – og það dreymir - þá fyrstu sýn – og aldrei síðan gleymir. Því og þess vegna býð ég þér á kynningu á rekstri gagnavera, uppbyggingu og þróun tölvumála í ókominni framtíð.

Markmið með fleiri en einum stað er að markaðurinn krefst þess (þ.m.t. viðskiptavinir Greenstone erlendis) að hafa úr nokkrum stöðum að velja. Von mín er að framsýni þín og trú á nýja tíma og tækniþróun geti orðið til þess að gera þig að dyggum stuðningsmanni þessa iðnaðar.

Endilega segðu til um hvenær hentar þér og mun ég sækja þig heim um leið og tími gefst. Öðrum er boðið einnig vissulega ef um slíkt er að ræða.

Með vinsemd og virðingu,

Sveinn Óskar Sigurðsson

Stjórnarformaður Greenstone