Leita í fréttum mbl.is

Skammsýni og sýndarmennska

Aumingja gangstéttarhellurnar og guð hjálpi þeim himnafeðgum í kirkjunni að þurfa að hlusta á þytinn í trjánum, og gott eiga borgarbúar að þurfa nú að standa af sér rokið og rigninguna án nokkurs skjóls, trén hafa auðvitað meitt og skaðað fjölda borgarbúa, eyðilagt alla gleði og mikinn glaum íbúanna. Aspirnar hafa einnig afvegaleitt æsku landsins, verið alltof stórar, veitt alltof mikið skjól, skyggt á kirkjuna og Alþingishúsið. Guð minn góður og laufin hafa ef til vill fallið á höfuð mektarmanna!

Trén hafa bundið alltof mikið af kolvetni, verið alltof góð við mannfólkið, veitt alltof mikið skjól, glatt alltof marga. 

Já, gott var að sýna þann manndóm að fella falleg tré með mikla sögu, með stórri sög.

Og best er að öllum er skítt sama.


mbl.is Aspartré felld við Dómkirkjuna
Tilkynna um óviðeigandi tengingu við frétt

Frábær misskilningur !!!!

Að vonast eftir því að Íslendingar í atvinnuleit í Noregi komist í spor almennra hælisleitenda og annarra innflytjenda er undarleg nálgun þessara "vísinda". Enn er það svo, meira að segja í Noregi, að dugnaður og atorka er metin til góða. Að einhver háskólanemi á Íslandi geti fullyrt, með yfirlæti og hneykslun, að einhverjir Íslendingar "hagnist" á neyð annarra í Noregi er dæmi um "nám" og "vísindi"sem léttilega er hægt að spara þjóðinni.

Sem betur fer er sú smán og niðurlæging á undanhaldi að Íslendingar fari til annarra landa til að komast í félgsmálapakka annarra landa. Nóg er af sliku heima. Það eru ekki íslenskir atvinnuleitendur sem hafa skapað einhverja "jákvæða mismunun" heldur hugarfar og viðhorf í Noregi. Það er gott og vonandi gildir það sama heima.

Það er einfaldlega þannig að lífsviðhorf Íslendinga sem leggja á sig að vinna í öðru landi eru sérstök og engin undarleg  "rannsókn " breytir því. Aðrar þjóðir hafa önnur viðhorf, aðra lífssýn, það er gott. Mestu letihaugar og ómenni sem ég hef kynnst eru raunar Íslendingar . Sem betur fer haldast þeir nú heima á landinu sem skóp þá og eyðileggja ekki orðspor þeirra sem raunverulega þurfa og vilja vinna fyrir sínu.

En að þessi rannsókn sé á háskólastigi segir nú mikið um stöðu íslenska menntakerfisins.

 


mbl.is Íslendingar í forréttindastöðu
Tilkynna um óviðeigandi tengingu við frétt

Er einhver að hlusta eða lesa?

Þetta innlegg er alvarleg áminning til stjórnenda og stjórnmálamanna. Ráði þeir ekki við þetta verkefni þá eiga þeir að hætta. Það er enn til fólk sem þorir að taka ákvarðanir. Ef það fólk er ekki inn á Alþingi þá er best að rýma til á þeim bæ

Heilbrigðisþjónsutan er í frjálsu falli og það vita allir sem á landspítalann koma og svo þeir sem vinna þar. Hinir stinga höfðinu í sandinn. Með hverjum deginum eykst vandinn. Gerum eitthvað núna. Og þetta eitthvað er ekki aðeins spurning um peninga heldur virðingu og sanngjarnt mat á starfsfólki og aðstöðu sjúklinga og starfsfólk. 


mbl.is Ástandið ekki alvarlegra í áratugi
Tilkynna um óviðeigandi tengingu við frétt

Loksins segir einhver hverjar staðreyndirnar eru

Þakka lækninum Guðmundi Karli fyrir löngutímabært innlegg í stöðu heilbrigðismála. Sumir halda að okkar mesti skaði séu samfélög erlendis sem greiða mönnum eftir færni menntun og kunnáttu. Þeir hinir sömu telja allt alltaf best hér og ekki ástæða til að breyta því. Vonandi passa þessir 200 nýju starfsmenn í umhverfisgeiranum í læknasloppana, sem verða á lausu þegar læknarnir okkar fara. Fjármálahirðin fer ekki í slopp fyrir læknalaun. 

Eigum við ekki frekar að halda uppi merki almenns heilbrigðis og lífsgæða með góðri heilbrigðisþjónustu fyir alla. Við getum rifist um hitt


mbl.is Ný hlustpípa og hlaupaskór duga ekki
Tilkynna um óviðeigandi tengingu við frétt

Það var þá ekki Kísiliðjunni að kenna.

Nú er komið í ljós, sem margir héldu fram, að vinnsla kísilgúrs úr botni Mývatns var í raun að forða vatninu frá því að grynnka meir en lífríkið þoldi á hverjum tíma. Eins og allir muna, sem gerðu út af við þetta eina fyrirtæki á  Íslandi sem nýtti beint gufu til vinnslu, þá var blautvinnsla kísilgúrs í Mývatni einstök á heimsvísu. Allar aðrar kíkilgúrnámur voru í uppþornuðum stöðuvötnum.

Umhverfisöfgarnir og náttúrusnobbið börðust fyrir lokun verksmiðjunnar með dyggri aðstoð stjórnmálamanna. Þetta er niðurstaðan . Fyrir utan það að mannlíf og atvinnulíf í Þingeyjarsýslum verður aldrei það sama.

Einsletur hópur höfuðborgarbúa stjórna síðan umhverfismálum í Mývatnssveit. En bera þeir ábyrgð?


mbl.is Teppi grænþörunga og kúluskítur að hverfa í Mývatni
Tilkynna um óviðeigandi tengingu við frétt

Hvað eru stýrivextir á landinu bláa?

"Stýrivextir, veð til sjö daga, helst því óbreytt eða 5.75 prósent, daglánavextir verða 6,75 prósent, hámarksvextir á 28 daga innistæðubréfum verða 5.5 prósent og innlánsvextir 4.75 prósent" (frétt Seðlabanka Íslands)

 Munurinn er aðeins 5% -  FIMM prósent - sem renna hvert ? Hvílíkt samfélag!


mbl.is Vöxtum haldið óbreyttum
Tilkynna um óviðeigandi tengingu við frétt

Kæri Björgólfur

Heldur þú að þitt fyrirtæki hafi gert mikið annað en að "dreifa" ferðamönnum á hótel og afþreyingu þar sem ítök Flugleiða (eða hvað sem þetta heitir) eru gulltryggð, eða vinir og vandamenn ráða ríkjum. Fyrirtækið sem þú stendur fyrir (af miklum dugnaði !) er einokunarfyrirtæki sem svífst ekki mikils til að losna við keppinauta og gerir of margt til að halda um taumana í ferðageiranum.

Það er frábært að Flugleiðir geti lagt til 600 milljónir í fjárfestingasjóð.Sjálfsagt er ætlast til að skattgreiðendur,  eða önnur fyrirtæki komi með annað eins á móti, til að sá stóri hefði 1200 milljónir til kynningarstarfs síns. Það er gott og blessað.  Og samkvæmt venju. En Flugleiðir eru á sama tíma   að hvetja til aðgöngugjalds á náttúruperlum. Sem af einhverri tilviljun eru allar utan Reykjavíkur.

Af hverju ekki aðgöngugjald að landinu?

Miklu einfaldara og kæmi jafnt niður á öllum. Allir nytu góðs af. 

 

 


mbl.is 600 milljónir í fjárfestingasjóð
Tilkynna um óviðeigandi tengingu við frétt

Þið kusuð þessa helferð gegn velferð yfir ykkur

Aðeins um gúmmídúk - og ekki annað

En það er ekki gúmmídúkurinn (dental dam) sem þéu ert að greiða fyrir í sjálfu sér. Þú ert að greiða fyrir þá kunnáttu og færni sem tannlæknirinn verður að afla sértil að geta nýtt sér yfirburða kosti þes að nota gúmmídúk. Þægindi og öryggi sjúklings er margfalt meira með notkun gúmmídúks, auk þess sem sum læknisverk er ekki hægt að vinna nema með því að nota gúmmídúk. Til að nota gúmmídúk þarf auk þess, sérstakan gatara, sérstakan ramma til að halda dúknum, sérstaka klemmu til að halda dúknum á sínum stað, sérstaka klemmutöng til að koma klemmunni á réttan stað, sérstakt efni til að halda dúknum þéttum. Allan tímann situr þú í tannlæknastól, umvafin dýrum tólum og tækjum í húsnæði sem er langt í frá ókeypis.

Þú ættir ekki að reyna að setja sjálf á þig eða nokkurn annan svona gúmmídúk. Þú veldur einungis skaða.

Vonandi skýrir þetta aðeins hvað um er að ræða. Hvort gjaldliðurinn "gúmmídúkur " á að hljóða uppá 6000 krónur eða eitthvað annað veit ég ekki. Vinn í Noregi þar sem svona umræða ber ekki fyrir augu mér. En nú ert þú færari að segja til um hvað er "heilbrigð og sanngjörn" álagning - vona ég.

Sigurjón Benediktsson , tannlæknir


mbl.is Níu ára fékk 99.000 króna reikning
Tilkynna um óviðeigandi tengingu við frétt

« Fyrri síða | Næsta síða »

Höfundur

Sigurjón Benediktsson
Sigurjón  Benediktsson

Ég er fyrrverandi tannlæknir á Húsavík til 37 ára, fyrrverandikennari við Tannlæknadeild Háskólans í Tromsö. Starfa nú sem óhaður tannlæknir á Íslandi. Er ekki í framboði. Netfangið mitt er: skefill@gmail.com

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 41
  • Frá upphafi: 0

Annað

  • Innlit í dag: 0
  • Innlit sl. viku: 7
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband