Hvar á þá að "spara" þessar 550 millur?

Það er vissulega fróðlegt að heyra leiðréttingu forstjóra FSA við frétt um stofnun Heibrigðisstofnunar Norðurlands á Akureyri. Hitt væri þó enn fróðlegra að heyra hans álit á því hvernig hann ætlar að "spara" sinn hluta af þessum 550 milljónum sem eiga að "sparast" við þennan niðurskurð.
FSA er grundvöllur sérfræðiþjónustu í nágrenni Akureyrar. Heilbrigðisstofnanir á minni stöðum eru lífæð samfélaga á sínum stöðum. Uppspretta fyrir þessa sérfræðiþjónustu. Auðvitað á rekstur ávallt að vera í skoðun og endurskoðun. Rekstur heilbrigðisstofnana hefur ekkert verið til fyirmyndar. En þjónustan hefur verið það. Svo þegar grundvellinum er rústað er ekkert lengur að skoða eða endurskoða. Ég hvet sveitarstjórnarmenn til að skoða þessi mál. Það gæti verið lausn að koma á nýju stjórnsýslustigi, amt eða fylki mætti kalla það, sem tæki að sér samgöngumál og heilbrigðismál á stærri svæðum.
Þessir tveir málaflokkar eru það sem skiptir mestu máli í lífi sérhvers manns. Aðrir hlutir eru meir undir hverjum og einum komnir.Hættum þessu menntasnobbsbulli og eilífu félagslegu úrræðum og pökkum sem skila ekki neinu.
Sameining sveitarfélaga gæti einnig verið vopn í baráttunni gegn sjúku stjórnvaldi á landsvísu.
Látum þetta ekki gerast.Þetta er einfaldlega rangt.

Átti ekki við fæðingar á Króknum

Jú, jú Árni minn...peningarnir koma til þín, minntu bara nafna á þig

Blessaður vertu, alveg rólegur, heilbrigðiseyðing ríkisstjórnarinnar nær ekki til þín. Þeir vita hvað margir kjósendur eru hjá þér. Gott að þú skulir vera með lausninar á hreinu. Er ekki heilbrigðispakkinn klár í Sambandinu líka?
Það eina sem almenningur hræðist í Skandivavíu er að lenda í pappakassadokturum Evrópusambandsins. Passaðu þig bara á þeim. Gott er þó fyrir yfirvöld að hafa einn eða tvo slíka til að grisja sjúklingana, tæma biðlistana, rýma fyrir nýjum. Endanleg lausn. Og þeir eru fljótir að því.
Mér virðist ríkisstjórnin vera klár að taka upp heilbrigðiseyðingu Sambandsins.Og fjárfestarnir líka! Til hamingju með þetta allt.

Bærinn vill verja sjúkrahúsið

Hver ætlar að leita til Össurar?

Nú lenda Suðurnesjamenn í því sama og við norðanmenn. Olíumálaráðherrann lofar stuðningi við Helguvíkurálver. Síðan ræður hann hvar og hver virkjar. "Þeir leita til hans". Lútið lægra,Helguvíkurmenn, berið ykkur enn verr.
Breytir engu.
Hann (og neðri Þjórsá!) ber ekki ábyrgð á því að samningar og yfirlýsingar standi! Hann er i stjórnmálum. Hann er olíumálaraðherrann. Honum er skítt sama hvað verður, hvaða samningar halda, hvar og hvort virkjað verði, hvar álver rís
Hann er að fara í kosningar og þá er eins gott að hafa allt opið . Lofa nógu miklu. Hafa alla góða.
Hvaða fyrirtæki nenna að ræða við svona stjónvöld, svona sjúka stjórnsýslu. Ætlar Sjálfstæðisflokkurinn að bera ábyrgð á þessu?

Ekki virkjað til álbræðslu

Ný útflutningsgrein?

Nú er komið skip til Húsavíkur að flytja út bor Jarðborana sem átti að bora rannsóknarholur á Norðurlandi. Frábært framtak hjá eigendum Jarðborana.... sem er ríkið. Við (ríkið) sendum atvinnutækin úr landi en hækkum atvinnuleysisbæturnar!
Hinir borar Jarðborana bíða flutnings í Hafnarfirð. Allt með erlendum skipum að sjálfsögðu.
Össur vill svo selja orkunýtinguna til erlendra aðila til að halda völdum aðeins lengur. Húrra fyrir olíumálaráðherranum!

Svona er Samfylkingin......SF: svikul og fláráð

Frá Dofra Hermannssyni talsmanni SF( tekið af bloggsíðu hans)
Ahverju spurði hann ekki oíumálaráðherrann?:

Nokkrar spurningar fyrir alvöru blaðamenn
Hvort er hér um að ræða álver upp á 250 þúsund tonn eða 360-400 þúsund tonn eins og seinast var í umræðunni?
Af hverju taldi Century stærra álver nauðsynlegt til að hægt yrði að fjármagna ævintýrið?
Hvað er hæft í grunsemdum um að helst vaki fyrir Century að fá samþykktir fyrir pakkanum svo hægt sé að selja hann og bæta fjárhagsstöðu Century?
Hvar á að fá orkuna sem álverið þarfnast? (Ath. að ólík svör fást eftir því hvort rætt er við OS eða HS sem tæpast getur talist hlutlaus aðili)
Hvað verður þá eftir fyrir aðra aðila sem bæði skila fleiri störfum á hvert MW og meiri virðisauka til samfélagsins - s.s. græna iðaðarstarfsemi af ýmsu tagi?
Ætlar Orkuveita Reykjavíkur að framlengja orkusölusamning sinn við Norðurál sem rennur út nú um áramótin? (fundur í dag)
Ef svo er, hve mikið mun OR þá eiga eftir til að selja til grænnar iðnaðarstarfsemi?
Ef svo er, þýðir það þá að stefnt sé að Bitruvirkjun þrátt fyrir neikvætt umhverfismat?
Ef svo er, hvað varð um þá afstöðu OR að ekki ætti að setja öll egg í sömu körfuna?
Er slæm fjárhagsstaða Reykjanesbæjar og afleit staða Helguvíkurhafnar aðal ástæða þess hve hart bæjarstjóri Reykjanesbæjar sækir þetta hagsmunamál Century?
Er eðlilegt/heppilegt að bæjarstjóri skuldugs Reykjanesbæjar sé jafnframt stjórnarformaður HS og taki ákvarðanir um fjárfestingar þess fyrirtækis?
Er eðlilegt/heppilegt að bæjarstjórnarmaður og samflokksmaður bæjarstjórans í Reykjanesbæ sé jafnframt aðstoðarmaður fjármálaráðherra og þar af leiðandi nátengdur samningum ríkisins við Century um mögulegar ívilnanir til handa Century?
Er með réttu hægt að segja að bæjarstjóri Reykjanesbæjar, fjármálaráðherra og aðstoðarmaður hans hafi allir mikla pólitíska hagsmuni af því að Helguvíkurálver komist á koppinn?
Er hætta á að pólitískir hagsmunir þessara manna hafi áhrif á ákvarðantöku þeirra?

Gott innlegg Aðalsteins......uppgjör við svik og blekkingar

Við lestur greinar olíumálaráðherrans í Fréttablaðinu þá liggur ljóst fyrir að ríkisstjórnin hefur ákveðið að svíkja allar yfirlýsingar um atvinnuuppbyggingu utan suðvesturhornsns. Með því að múta stjórnmálamönnum á Akureyri með loforðum um aukna orku til Becromal smáðjunnar var samstaða Norðlendinga brotin niður. Auk þess var farið að flagga einhverju bulli um "græna stóriðju" í Bakka sem er ekki til og hefur aldrei verið til. Einhverjir einfaldir og trúgjarnir Húsvíkingar hengdu sig því miður á þetta.

Olíumálaráðherrann hefur skrifað í næturblogg sitt um sólarsellur. Hvet ég alla til að kynna sér slíka framleiðslu. Inn átti að flytja 150.000 tonn af kvartzgjalli og með mikilli orku vinna úr því 30.000 tonn af hráefni í kísilflögur. Hvað gera átti við 120.000 tonn af kvatzhrati hefur ekki verið skýrt.Tvö framleiðslustig eru þá eftir í draum olíumálaráðherrans. Þau stig eru ekki á dagskrá þeirra aðila sem hafa platað oliumálaráðherrann og fleiri sakleysingja. Þessi iðja, fyrsta stig kísilflöguframleiðslu, mengar 3x CO2 á við álframleiðslu per tonn. Er aðeins 10 milljarða fjárfesting, Notar 75 MW af orku. Svona verksmiðja hefur stuttan líftíma, vegna þess að þetta tekur alltof mikið pláss/landflæmi og þvi er verið að reyna að finna eitthvað annað en kísilflögur til þessara nota td. Thyrillium-Cadmium. Hér var aðeins um frumvinnslu hrávöru fyrir sólarcellur að ræða sem er dýrasta orkuýting sem um getur. Hrun er fyrirsjáanlegt í framleiðslu sólarcella fyrir dýrt umhverfissnobb dýrkenda gamla tímans. Einfaldlega of dýrt.

Við sjálfstæðisfólk skulum ekki gleyma þætti fjármálaráðherra og flokksins okkar í málinu. Honum hefur verið gjarnt til að að stöðva "þensluna" með því að skera niður opinberar framkvæmdir á landsbyggðinni. Koma okkur í kreppu, halda okkur í kreppu, kreppu á kreppu ofan. Yfirlýsingar forystu flokksins um atvinnuuppbyggingu á Norðurlandi eru ómarktækar. Blekkingar. Þingmenn okkar skulda okkur skýringar. Hvar hafa þeir verið? Vissu þeir ekki hvað var að gerast?

Það vantar aðeins 2milljarða til að losa okkur úr vítahring rannsókna og orkusamninga á háhitasvæðum Þingeyjarsýslna.. Engar rannsóknir –engir orkusamningar og engir orkusamningar –engar rannsóknir.

Nú verðum við að ná samstöðu í héraði og berjast fyrir alvöru atvinnuuppbyggingu með nýtingu orku héraðsins.
Við ráðum enn framtíð okkar. Gleðilegt ár.

Kveðjur í föðurlandi og ullarsokkum frá Noregi
Sigurjón Benediktsson

Ósáttur við forgangsröðina

Samfylking....til hamingju!!! Enn gert út af við atvinnuuppbyggingu.

Össur er frábær náungi. Hér á Húsavík hefur hann verið dýrkaður og dáður fyrir einarða afstöðu sína með álveri á Bakka við Húsavík. Hefur sagt hér a fundum að álver í Bakka sé svo sannarlega númer eitt hjá Samfylkingunni. Nú berst hann fyrir álveri í Helguvík. Með sömu einurðinni auðvitað. Svo ekki sé nú heilindunum gleymt. Það virðist vera nokkuð öruggt útfararmeðal atvinnuupbyggingar að Össur og Þórunn opni munninn um framkvæmdir. Þegar rkisstjórnin lýsir svo yfir stuðningi við eitthvað..þá er nokkuð öruggt að málið er dautt
Aumingja þjóðin að hafa svona fólk i vinnu.

Helguvík langt komin í ríkisstjórn

Eru ekki samþykktir síðasta landsfundar enn í gildi....

Og einnig stjórnarsáttmáli þessarar ríkisstjórnar?
Hvort tveggja auðvitað úrelt og þarfnast endurskoðunar en þangað til hafa þessi plögg einhverja merkingu. Ætla Sjálfstæðismenn að láta atvinnubloggara pólitískra andstæðinga stjórna vefumræðu um þessi mál. Atvinnubloggarar þessir úthúða mönnum sem þora að skrifa um málin, berja niður málefnalega umræðu og ætla að ráð netheimum. eins og þeir ráða fjölmiðlum með Baugi.
Innlegg Styrmis Gunnarssonar er vert þes að vera rætt og svarað. Efnislega. Málefnalega.

Formaður Sjálfstæðisflokks eyði misskilningi um landsfund

Hótanir sem voru ekki einu sinni dulbúnar...

Sjálfstæðisfélag Húsavíkur hefur einnig ályktað um tilgang landsfundar:
Sjálfstæðisfélag Húsavíkur og nágrennis

Félagsfundur 15. desember 2008

Ályktun:
Ánægjulegur og góður fundur hjá Sjálfstæðisfélagi Húsavíkur og nágrennis styður atvinnuuppbyggingu í héraðinu sem byggir á orkunýtingu og stóriðju. Fundurinn fagnar því að Alcoa hefur ákveðið að byggja iðjuver á Bakka við Húsavík og nýta til þess umhverfisvæna orku af háhitasvæðum Þingeyjarsýslna.
Sjálfstæðisfélag Húsavíkur ætlast til þess að kvóti til fiskveiða verði þegar í stað aukinn um 33% enda byggir það á vísindalegum athugunum á fiskistofnum. Öll fjárfesting til veiða og vinnslu til aukinnar nýtingar er til staðar og krefst ekki fjárútláta.
Fundurinn lýsir því yfir að mörg brýn verkefni bíði úrlausnar í þjóðfélaginu. Íslenskt samfélag er á tímamótum og það getur ekki verið mest aðkallandi að ýta þjóðinni út í átök um aðild að bandalagi Evrópuþjóða.
Rétt er að taka upp nýjan gjaldmiðil sem fyrst til að koma hjólum atvinnulífs og mannlífs af stað, og til þess að bæta samningsstöðu þjóðarinnar út á við.

Við óskum öllum gleðilegra jóla og friðsældar á nýju ári baráttu og bjartsýni

Frekar kosningar en að láta undan dulbúnum hótunum

Ég styð þig...

Meðan mótmælin eru friðsamleg og málefnaleg þá er hér fjöldi fólks sem styður það heilshugar að þeir fari sem fara eiga, þeir veri sem vera eiga og þeir gjaldi sem gjalda eiga.

Burt með spillinguna. Ekki láta okkur kvíða því á hverjum morgni að eitthvað nýtt hneyksli líti dagsins ljós. Stöðvum þetta og byrjum upp á nýtt.

Jón Gerald mótmælir í Landsbanka