Hver misskilur..hver segir ósatt......hver upplýsti um nafn í persónulegu símtali?

Þó  iðnaðarráðherra  hafi ekki getað stillt sig um að henda tveimur álverum út af borðinu rétt  eftir saðsaman umhverfismat þá á hann eftir að kasta rekunum yfir þessi verkefni. Vonandi nær hann því ekki áður en dagar þessarar ríkisstjórnar verða taldir. Nú þarf hann að gleypa þetta allt aftur ofan í sig . Og fer létt með. Alcoa er ekki hætt við atvinnuuppbyggingu fyrir norðan. Rio Tinto ekki hætt fyrir sunnan. Vilji ráðherranna þriggja er þó ljós. Engin atvinnuuppbygging nema í þeirra skjóli. Það er þeirra vilji. Látum þá ekki ráð för lengur. Við þurfum orkuna ..við þurfum vinnuna. Þeir þurfa hvíldina.

Frétt um álver ekki allskostar rétt

Nú geta ráðherrar fagnað...

Ef ekki hefði komið til óeðlilegur og sérgæskulegur úrskurður umhverfisráðherra um umhverfismat þá væri búið að taka ákvörðun um byggingu álvers í Bakka. Rannsóknir á lokastigi og málin í allt öðrum farvegi.

Tími og tímasetning er mikilvæg í þessum ákvörðunum. Með sameiginlegu átaki hefur ráðherrum umhverfis, iðnaðar og fjármála tekist að koma heilu álveri í frestun. Erlend fjárfesting upp á 110 milljarða er sett á klaka. Sex milljarða fjárfesting í orkurannsóknum liggur óarðbær og ónýtt. Líklega eiga þúsundir atvinnulausra að fá vinnu í þessum ráðuneytum í staðinn. Hagfræði heimskunnar ræður för. Vonandi tekst þessum snillingum ekki að stöðva uppbyggingu í Helguvík ...enda í þeirra ranni!

Hætt við stækkun í Straumsvík

Tóm lista hús.....

Það er ekki til vilji hvað þá peningar hjá ríkinu til að koma aftur af stað orkuvinnslu og orkurannsóknum sem munu skila arði, veita vinnu, styrkja mannlíf. Það eru til peningar og viji í svona auðjöfrapjatt sem engu skilar nema kostnaði og geðveikum rekstri á skattgreiðendur. Ér er ekki þátttakandi í þessum sameiginlega skilning.
Jafnsjálfsagt og þetta er þegar of vel gengur er þetta jafnheimskulegt þegar illa árar.

Tónlistarhús gæti tafist um ár

Allt satt og rétt, en......

hvenær fáum við að vita
......... hver lánaði Baugi til að kaupa fjölmiðlana
..........hver ætlar að lána til kaupa á Árvakri (Mogganum)
..........hver hefur fengið andvirði meir en tiu Kárahnjukavirkjana að láni hjá bönkunum
..........hver greiddi inn í sjóði Glitnis til að bjarga einhverjum en mismuna öðrum
..........hver ætlaði að fella niður bankaleyndina í öllum málum
.........hver ætlar að taka til í bönkunum
.........hver fær niðurfelldar skuldir íbönkunum
.........hver fær að draga hlutabréfakaup til baka
.........hver ætlar að stoppa yfirgengilegan þjófnað á almannaféí bönkunum NÚNA
.........hver stöðvar uppstokkun ístjórnkerfinu
.........hverjum er ætlað að borga allt saman....Nei það er óþarfi að segja frá því...vi'ð vitum það.... það er ég , það erum við..en ekki sjúkt stjórnkerfi og spilltir dekraðir bankadrengir og stúlkur

Kom á óvart að Davíð upplýsti ekkert

Þá þarf að heimila það í hvelli...

Þetta ástand getur ekki gengið lengur. Rafmagnsöryggi allra íbúa á svæðinu er í húfi. Eitthvað umhverfissmjaður í fólki sem veit ekkert hvað það er að tala um getur ekki komið í veg fyrir eðlilegar framkvæmdir. Það er búið að hrekja flestalla íbúa á brott með öllu þessu friðunarbulli. Jarðir flestar komnar í eigu auðmanna sem hafa ekkert með búsetu að gera. Hækka stíflurnar strax.

Hvar eru þingmenn okkar? Sýnið nú manndóm.

Segja óheimilt að breyta rennsli Laxár

DO: Betri en flestir sem gera athugasemd hér ...

Dæmi:Frekjan, valdasýkin og óbilgirnin nær nýjum hæðum með þessari yfirlýsingu. Ljóst er að vesalings Davíð er ekki alveg sjálfrátt og gerir sér enga grein fyrir þeirri stöðu sem hann hefur nú í hugum landsmanna

Dæmi: Er Seðlabankastjórinn brjálaður eða kanski heimskur?

Dæmi: Draugurinn hættir ekki að ásækja þig fyrr en særingarmaður eða prestur úthýsir honum.

Svona blogga einungis hræddir menn/konur. Er ekki öllum heimilt að bjóða sig fram ? Segja sína skoðun? Koma með sína sögu? Eða er það aðeins úrval bloggheima sem má koma fram og hrella almúgann? Aðrir eru níddir niður, skipulega.

Ég ætla líka að fara aftur í stjórnmálin. Húrra fyrir mér.Húrra fyrir öllum sem vilja leggja eitthvað á sig til að ná okkur upp úr vandræðum okkar. Þá getum við valið.

Davíð: „Þá mun ég snúa aftur"

Og hvað kostar þetta?

Enn ein stofnunin sem skilar engu nema óarðbærum störfum. Það kostar 135 milljónir aukalega næsta ár að skilja þessar stofnanir að. Fullt að gera hjá embættismönnum og skrifstofufólki. Geta svo ekki unnið saman. Verðum við ekki að fara að gera eitthvað sem skilar okkur einhverju öðru en fleiri embættismönnum?

„Eigum að vinna þetta saman“

Bjarga hverjum ?

13. Taka upp dollar sem gjaldmiðil á næstu sex mánuðum

14.  Hefja virkjanaframkvæmdir sem krefjast kostnaðar innanlands. Útrásarverkefni orkufyrirtækja stöðvuð og beint í verkefni innan lands.

15. Minnka umsvif ríkisins, leggja niður stofnanir, fækka í  ráðuneytum og sameina banka og fjármálafyrirtæki. Losar um þúsundir starfa.

16. Fækka þingmönnum í 30 og leggja niður forsetaembættið. Minnka utanríkisþjónustuna um 75%.

17. Nota fjármuni sem sparast í 15. og 16. lið lið til að fara í framkvæmdir og skapa þannig atvinnu fyir þá sem missa vinnuna samkvæmt 15 og 16 og hefja raunverulega uppbyggingu. Uppbygging felst ekki í því að viðhalda vonlausu stjórnkerfi.

 

Bjarga á fyrirtækjunum

Alcoa er ekki að virkja neitt...

Það er greinilegt að umhverfiselítan ætlar að reyna að stöðva atvinnuuppbygginguna á Norðurlandi. Til þess eru eins og áður notuð ríkisapparötin sem hlýða umhverfis- og iðnaðarráðherra í einu og öllu.
Það eru Landsvirkjun hf og Þeistareykir ehf sem hafa undirgengist að útvega orku fyrir þessa stóriðju. Alcoa kemur þar ekki nærri. Takist það ekki verður engin stóriðja. Það hefur engu orkumagni verið lofað eða boðið upp á annað en vilja til að finna orku og selja.
Loksins þegar hyllir undir eitthvað sem hægt er að hleypa af stað , skapa störf og gjaldeyri þá þurfa pólitískir þumalputtar að flækjast fyrir.
Ríkisstjórnin hefur marglýst yfir stuðningi við þetta verkefni en ráðherrar utan ríkisstjórnar (fjármála , umhverfis og iðnaðar) hafa jafnóðum sett því skorður.Byggist það á þeirri hugsun að Helguvík sé í þeirra kjördæmi eða nálægt kjósendum þeirrra. Norðlendingar mega því eta það sem úti frýs.
Aldrei áður hefur framkvæmdaaðili stóriðju sem er orkukaupandinn þurft að sýna fram á orkuöflunina. Það er annarra.
Unhyggjan fyrir atvinnulausu þjóðfélagi á heljarþröm kristallast í hógværri setningu hinna opinberu skrifborða: : .."þannig að almenningur geti borið stærðirnar saman" !!!!!

Geri grein fyrir orkuþörf

Af hetjum og dáðum: Rössur fer í víking og drepur norðlendinga

Nú reiddi hann upp öxina Blekkingarnaut og hjó mikinn svo hún hljóp á kaf höfuð Norðlendinga. Duttu þeir þegar dauðir niður. Hló hann við og sagði meðreiðarsveinum sínum að til Helguvíkur skyldi nú halda með viðkomu i Straumi að Rannveigar og þiggja þar góðgerðir eftir ódæðisverkið. Losaði hann öxina úr höfði norðanmanna og strauk blóðið af í skegg sér. Lýðurinn hrópaði heróp mikið og bauð Vitgrunn Ísbjarnardóttir honum þegar til búðar.
Voru nú boð send Varla lækni hinum dýra sem sendi þegar pyngju fulla gulli til Rössurar. Höfðu þeir sammælst um að ganga til þessa verks en Varli hafði ei þorað heiman að fara sökum þjófa er gengu um hirslur hans. Var hann blauður maður kallaður af verkum þessum.

Rössur kallaði nú til þræla sína norðlenska og sagði þeim að hylja hræin og þiggja af sér gjafir nokkrar. Kvölurum gaf hann 100 aura silfurs og Skurðsmönnum gaf hann kross til að setja upp á nesi nokkru. Heitir þar síðan Krossanes. Flágeiri og Krans launaði hann með því að höggva af þeim höfuðið. Þrælum sínum í Þingeyjarþingi gaf Rössur ekki neitt. Sagði þá fávísa og heimska að hafa trúað sér.
Reið nú Rössur suður. Bárust fregnir af ódæðinu víða. Óspakur í Hlandsvirkjun sagði förina mikla hetjudáð en aðrir sögðu þetta upphaf illdeilna sem ekki sæist fyrir endann á. Enginn þorði að halda uppi bótum fyrir norðlendinga sökum ofríkis Rössurar

Þegar þriðja hrossið sprakk undan Rössuri í ferðinni skipaði hann þrælum sínum þeim Beinakarli, Hraðlygnum og Skrámi að bera sig. Varð þeim tiðrætt að auk þyngdar Rössurar hefðu baugar á fingrum hans verið þungir sem blý. En Rössur bar jafnan baug á hverjum fingri. Segir ekki meir af Rössuri að sinni

Í draumi sérhvers manns