Af hetjum og dáðum: Rössur í sláturtíð. .

Nú reiddi hann upp öxina Blekkingarnaut og hjó mikinn svo hún hljóp á kaf höfuð Norðlendinga. Duttu þeir þegar dauðir niður. Hló hann við og sagði meðreiðarsveinum sínum að til Helguvíkur skyldi nú halda með viðkomu i Straumi að Rannveigar og þiggja þar góðgerðir eftir ódæðisverkið. Losaði hann öxina úr höfði norðanmanna og strauk blóðið af í skegg sér. Lýðurinn hrópaði heróp mikið og bauð Vitgrunn Ísbjarnardóttir honum þegar til búðar.
Voru nú boð send Varla lækni hinum dýra sem sendi þegar pyngju fulla gulli til Rössurar. Höfðu þeir sammælst um að ganga til þessa verks en Varli hafði ei þorað heiman að fara sökum þjófa er gengu um hirslur hans. Var hann blauður maður kallaður af verkum þessum.

Rössur kallaði nú til þræla sína norðlenska og sagði þeim að hylja hræin og þiggja af sér gjafir nokkrar. Kvölurum gaf hann 100 aura silfurs og Skurðsmönnum gaf hann kross til að setja upp á nesi nokkru. Heitir þar síðan Krossanes. Flágeiri og Krans launaði hann með því að höggva af þeim höfuðið. Þrælum sínum í Þingeyjarþingi gaf Rössur ekki neitt. Sagði þá fávísa og heimska að hafa trúað sér.
Reið nú Rössur suður. Bárust fregnir af ódæðinu víða. Óspakur í Hlandsvirkjun sagði förina mikla hetjudáð en aðrir sögðu þetta upphaf illdeilna sem ekki sæist fyrir endann á. Enginn þorði að halda uppi bótum fyrir norðlendinga sökum ofríkis Rössurar

Þegar þriðja hrossið sprakk undan Rössuri í ferðinni skipaði hann þrælum sínum þeim Beinakarli, Hraðlygnum og Skrámi að bera sig. Varð þeim tiðrætt að auk þyngdar Rössurar hefðu baugar á fingrum hans verið þungir sem blý. En Rössur bar jafnan baug á hverjum fingri. Segir ekki meir af Rössuri að sinni.

Diplómataleikritið....fyrsti þáttur..atriði ráðherra: Að beygja sig í duftið

1. þáttur. Hvaða deila? Ber ég ábyrgð á því að gírugir og illa gefnir Bretar létu hreinræktaða Íslenska asna plata sig? 

Ráðherrar sem þykjast vera voða miklir diplomatar og samningafólk  (sem þurfa ekki að "semja" um eitt eða neitt fyrir mig og mína)  leika aðalhlutverkin. Ráðherrann hrópar fagnandi: "Öll viðskipti okkar verða nú niðurgreidd af íslenskum skattgreiðendum"!

Þingheimur, sem kemur saddur og syfjulegur inn frá matstofunni á sviðið hægra megin, jarmar : "Já, já og atvinnustopp, atvinnustopp!"

Bankamálaráðherrann dettur síðan inn á sviðið með óskiljanlegri yfirlýsingu um stöðu banka sem er gjaldþrota. Hann fer síðan endanlega af sviðinu til vinstri. Kemur ekki meir við sögu í þessu leikriti.

Bjöggi hvíslari brosir. Og tjaldið fellur.

Milliríkjadeilunni verður að ljúka

Guð og minn góður ...hvað sagði þessi ráðherra?

Nú ættu fjölmiðlar að krefjast þess að fá útskrift á því hvað þessi ráðherra raunverulega sagði við þennan fína franska ráðherra.

Evrópusnobbið á fullu og er furðulegt að henni hafi verið hleypt á þennan fund fyrir hönd þjóðarinnar . Eigum við að trúa því að einhverjir ráðherrar Evrópu séu svona skyni skroppnir að eiga orðastað við svona "ráðherra"!.
Já, enn ein sönnun þess að ekki komandi nálægt þessu Evrópurugli.

"Einnig var rætt um málefni norðurslóða en Evrópusambandið vinnur nú að stefnu sinni á því sviði. Gerði umhverfisráðherra ítarlega grein fyrir helstu áherslum Íslands í málefnum tengdum norðurslóðum. Í tengslum við fund EES-ráðsins var að venju skipst á skoðunum um pólitísk málefni. Að þessu sinni var til umræðu Rússland og ástand mála í Afganistan og Zimbabwe".
Rússland og Zimbabwe???? Hvað áherslum? ísbjarnarblúsinn?
Hæstvirtur umhverfisráðhera hefur sjálfsagt sagt að við ætluðum að stoppa allar virkjanir og alla framleiðslu. Það eru hennar ær og kýr.

Frakkar miðla málum vegna Icesave

Alcoa er ekki að virkja eitt eða neitt

Enn og aftur leggur ríkisrekna Sandverndin til atlögu við atvinnuuppbyggingu á Norðurlandi. Er það nógu langt frá umhverfisráðuneytisgreninu til að þeim þykir við hæfi að dreifa áróðri sínum og drepa niður frumkvæði sveitarfélaga í orkunýtingu á þeirra svæði.

Ráðherra umhverfismála kom í einmitt veg fyrir að virkjanaaðilar (Þeistareykir í eigu sveitarfélaga og LV  að Þeistareykjum og í Gjástykki, og svo LV í Kröflu /Bjarnarflagi))  gætu framkvæmt þær rannsóknir sem nauðsynlegar eru til að sannreyna hvort hægt er að ná í orku á háhitasvæðum Þingeyjarsýsla. Orku, sem nægir til að uppfylla óskir þeirra sem vilja kaupa orkuna. Ef næg orka fæst er ekkert því til fyrirstöðu að þetta stóriðjufyrirtæki geti náð samningum. Ef ekki, verður að finna aðra kaupendur.  En að sjálfsögðu  munu virkjanaaðilar reyna að finna sem mesta orku á skilgreindum svæðum og eðlilega selja þá orku.

Alcoa er ekki aðili að neinu þessara virkjana verkefna, því miður. Hvers konar stjórnsýsla það er að svona öfgahópar geti ráðskast með heilu stofnanirnar er íhugunarefni. Líkega er þetta ekkert annað en útibú umhverfisráðherranns sem hefur ítrekað lýst yfir andstöðu við alla atvinnuuppbyggingu á Norðurlandi.

Alcoa geri grein fyrir raforkuöflun

Þetta fólk er einnig á móti ferðamönnum

Þessi ríkisrekna svarta umhverfis"vernd" krefst hins, heimtar hitt og vill þetta. Hver ber kostnað er aldrei inn í myndinni. Hvert er verið að fara með yfirganginum þarf aldrei að skilgreina. Nú er nýjasta múgsefjunin að kaup Alcoa á umhvefisvænni orku megi alls ekki vera meiri en þessi endemis samtök ákveða. Sveitarfélög á Norðurlandi eiga þessi svæði, fyirtæki í þeirra eigu og opinbera orkufyirrtækið Landsvirkjun eru að leita að orkunni. Hvað þessi náttúrulausu samtök eru raunverulega að biðja um væri best að fá fram undanbragðalaust.
Alcoa er ekki að virkja eitt eða neitt. Réttast væri að virkja Skjálfandafljót og Jökulsá til að geta greitt skuldir okkar og haldið uppi þessu liði sem hefur endalausan tíma í ríkisforsjá til að berja niður atvinnuuppbygginguna. Ekki ætlar þetta hyski að leggja neitt fram til þjóðþrifa og átaka á erfiðum tímum. Það nýtist ekki í neitt.
Hjal þessara aðila um ferðamennsku er blekkingarleikur. Þetta fólk vill enga ferðamenn. Um leið og ferðamenn birtast eru staðirnir ofsetnir af ferðamönnum að þeirra mati. Það vill upplifa einsemdina í eyðimörkinni án annarra... ef það þá nennir út úr kaffihúsunum.
Verst er að þessir hópar stjórna heilu stjórnmálafylkingunum með sífelldum blog- og fréttahrelli.

Krefja Alcoa um svör

Ertu ekki glaður og ánægður?

Það er varla fréttnæmt að ríkisrekna náttúrusnobbið fagni óförum almennings í atvinnumálum. Og sjálfsagt er það besta mál að sveitarfélög tapi stórum fjárhæðum. Vonarneisti fólks slokkni. Úrskurður umhverfisráðherra veldur öllu þessu enda byggður á kæru ríkisrekna náttúrusnobbsins , Landverndar.

Einhver Jón Ólafsson sem greiddi kosningabaráttu Þórunnar Sveinbjarnardóttur lét ráðherrann breyta úrskurði sér í hag vegna vatnsverksmiðju í Þorlákshöfn. Álver og virkjanir tengdar Helguvík þurfa auðvitað ekki að fara í neitt stoppferli, mixað í umhverfisráðuneytinu. Það er of nærri greni ráðherrrans. Að hafa ráðherra í vasahorninu er ekkert slor á Íslandi. Til hamingju Landvernd...þetta er flott hjá ykkur!

Dregur úr líkum á álveri

Meðal annars.....

Meðal annars vegna þess að umhverfisráherra tók sér 4,5 mánuði til að kveða upp úrskurð sem tók 2,5 mánuði að útskýra þá er rannsóknarborunum frestað.

Fresta rannsóknarborunum að Þeistareykjum

Ótrúlegt!

Skera upp herör gegn ferðamannavörðum

Ari Arnórsson, Rakel Jónsdóttir og Þórunn Daðadóttir við eina vörðuna. MYND/Stefán Helgi

Leiðsögumenn segja að vörður sem ferðamenn hlaða séu stórt vandamál í náttúru Íslands. Hópur leiðsögumanna fór á föstudaginn í ferð gagngert til þess að fella vörður, sem þeir kalla raunar vörtur.

Hvað eru þessir sjálfskipuðu umhverfistalibanar að gera? Sjálfir get þeir verið vörtur á samfélaginu með þessu uppátæki sínu. Er það orðið svo að einhverjir busar út í bæ ákveða hvað er okkur fyrir bestu í sjónrænum málum. Við bjánarnir megum ekki augum líta einhverjar litlar steinhrúgur í náttúrunni sem mannfólkið safnar saman sér til gamans og engum til ama. Er hér ekki verið að eyðileggja aðalsnobbaraorðtakið "menningarlandslag"? 

Það er réttast að skikka þesa kjána til að raða upp hverju einustu vörðubroti eða vörtu sem þeir hafa tekið sér bessaleyfi til að sparka niður og eyðileggja. BBest að fara einu leiðina sem þetta fólk ratar. Kæra og kvarta.

 

Ef Guðni hefur nú rétt fyrir sér......

Formaður Framsóknarflokksins var með stóran og skemmtilegan fund á Húsavík í gærkvöldi. Vart er fundi lokið er upp rísa menn sem voru víðs fjarri, við opinber skifborð, á fullum launum, fullir af hatri og öfund. Þykjast af visku sinni geta sagt eitthvað um þessi mál sem þeir hafa á engan hátt nennt að kynna sér.

Meginniðurstaða úrskurðar umhverfisráðherra er að ekki sé hægt að fara í heildstætt umhverfismat nema að loknum miklum rannsóknum og kynningu. Jafnframt er í úrskurðinum algjörlega lagt bann við því að fara í nauðsynlegar rannsóknir!!! "Heilstæða" umhverfismat ráðherrans nær yfir fjórar framkvæmdir af átta!!! Skipulagsstofnun var á allt öðru máli. En þar eru nú allt í einu, að áliti umhverfismafíunnar, tómir aular.

Við þökkum Guðna fyrir góðan stuðning við atvinnuuppbyggingu á Norðurlandi. Stuðning við nýtingu umhverfisvænnar orku.  Hinir sem eru uppfullir af álversbulli og snobbsjúkdómum í umhverfisvernd geta svo haldið áfram í "vinnunni" og bloggað stíft gegn atvinnuuppbyggingu á Norðurlandi og stutt ráðherra umhverfismála í aðför sinni að lífsviðurværi fólks. Að vísu aðeins ef það er nógu langt frá 101 Reykjavík.

Kreppa af völdum ráðherra

Fundur misskilinn...ALCOA með einokun á orku í sex ár!!!!!!!

Í fréttum kemur berlega í ljós hvernig stjórnmálamenn geta alveg misskilið frammistöðu sína. Fundur umhverfisráðherra á Húsavík í gær var lítill leikþáttur til að laga til í ranni stjórnmálaflokks en átti ekkert með raunveruleikann að gera. Ráðherra er himinlifandi með fundinn þó hverjum sem þar var mátti vera ljóst að á fundinum var engu svarað og engu lofað, engu ljósi varpað, ekkert afsakað.

Niðurstaða ráðherra eru jafnóskiljanleg og áður. Aðeins vextir af fjárfestingum í Bakkaverkefninu með virkjunum og rannsóknum nema 1.000.000 á árinu. Vextir sem tapast.

Og hverjir tapa?

Jú snauð sveitarfélög

Hverjir græða?

Alcoa sem fær einokun á orkukaupum næstu sex ár og svo umhverfismatgæðingar og vinir ráðherra.