Frábær fundur Norðlendinga í tilefni af fyrirhuguðum virkjunum og stóriðju

Það var sneisafullt á Gamla Bauk í gær. Þar hlustuðu menn á Örlyg Hnefil kynna fundinn og svo tók Þröstur Eysteinsson skógfræðingur við. Fyrirlestur hans um kolefnisbindingu í skógrækt og uppgræðslu var ekki bara fræðandi, hann var frábær. Það ER hægt að núllstilla alla mengun frá fyirhuguðu álveri við Bakka. Það kostar smáaura miðað við umfang og veltu virkjana og stóriðju á Norðurlandi eða frá 1100 krónum á hver framleitt áltonn og niður í 300 krónur á hvert framleitt áltonn á ári. Fer eftir landi og vali á plöntum. Þar er átt við að kaupa land, undirbúa girða, kaupa plöntur, vinna við gróðursetningu, allur pakkinn. Þegar það fæst milli 2000-3000 US$ fyrir hvert tonn af framleiddu áli þá sjá allir hvílík stóriðja er fólgin í því að snúa við dæminu í mengun. Og hagkvæmnin er mest fyrir þá sem eiga land. Og heiminn allan.

Til stóð að stofna leshring um heimsins vitlausustu grein Steingríms J í Skarpi en allir voru sammála að það væri ofrausn. Það ættu allir kjósendur að lesa þessa grein . Senda póst [e-mail] og biðja um greinina. Anton Benjamínsson framkvæmdastjóri Slippstöðvarinnar á Akureyri flutti flott erindi um mikilvægi þessarar atvinnuuppbyggingar á Norðurlandi. Á fundinum var einnig Kristján Þór oddviti Sjálfstæðisflokksins í kjördæminu. Hann hvatti menn til dáða og minnti okkur á að hér væri um hagsmunamál Norðlendinga allra að ræða. Hér var gaman, hér var fjör. Við látum ekki kúga okkur lengur.

Virkjanir eru umhverfisvænar

Nú berast fréttir af því að koks sé farið að nota til orkuframleiðslu í Kína. Ekki er einungis verið að opna gamla úreltar kolanámur heldur er orkusprengjan þarna austurfrá svo svakaleg að líklega getur Steingrímur J farið að boða útflutning á mó til Kína. Það er svo sannarlega "eitthvað annað!". Þetta er nú flott hjá þeim, engar umhverfisvænar virkjanir ef hann kemst í stjórn en stórútflutningur á mó til brennslu í Kína!.

Hvatningafundur á Húsavík

Já það eru fótgönguliðarnir sem halda uppi umræðunni, hvergi sést í pólitiskt skott, hvað þá húfu. Eftir einhverja vitlausustu og málefnasnauðustu grein sem birst hefur (Steingrímur J Sigfússon:"'Álver eða allt hitt" Skarpur 9.febrúar) þar sem þingmaður héraðsins til 24 ára telur upp alla opinbera vinnustaði á Húsavík og nágrenni  og alla aðra starfsemi sem þar er í gangi og telur það vera "eitthvað annað" og þannig hugmyndaframlag hans til atvinnuuppbyggingar í Norðurþingi þá er rétt að taka upp þráðinn í málefnalegri umræðu.

Hvar hefur þessi maður eiginlega verið?

Skil vel að hann þorði ekki að birta þessa vitleysu nema í litla sæta bæjarblaðinu okkar. Synd að alþjóð komist ekki í kræsingarnar. Dæmi: ""Eitthvað annað" er þá t.d. störf í opinberri þjónustu og allur fyrirsjáanlegur og mögulegur vöxtur þar" og síðar:  "landverðir og bístjórar eru "eitthvað annað""(Steingrímur J Sigfússon, 2007)???!!!!!!!!!!!!!!!!!!......... Og þetta er nú bara sýnishorn.

Jæja eftir lestur þessarar greinar hafa nokkrir áhugamenn í héraðinu ákveðið að hittast á Gamla Bauk Húsavík fimmtudaginn 1. mars klukkan 1700 og fá til sín fyrirlesara um tengsl atvinnumála á Akureyri og stóriðjuframkvæmda í Bakka og svo ætlum við að ræða með fagmönnum kolefnisdbindingu skógræktar og uppgræðslu í tengslum við stóriðju í Bakka. Allir velkomnir.

Hvar eru þingmenn okkar og þingmannsefni?

Nú virðist sem flótti sé brostinn í flesta stjórnmálamenn. Eru tilbúnir að fara í veikindafrí, til að þurfa ekki að taka afstöðu. Þurfa ekki að sjá raunveruleikann. Lýðskrumið sigrar, kreddurnar ráða för. Ætla þessir framapotarar prófkjöranna aðeins að verða "leikfimiþingmenn" sem hafa ekkert í pokanum, eru tómið eitt, sprikla aðeins undir svipu afturhaldsaflanna og fordómanna? Hæ hVAR ERUÐ ÞIÐ...hALLÓ!

Í hvert skipti sem minnst er á að gera vegi færa utan suðvesturhornsins þá bregður svo við að það þarf að endurbæta og lýsa upp einhverja brautina eða fimmfalda hana í hvelli á því horni. Í hvert skipti sem minnst er á stóriðju utan suðvesturhornsins þá þarf endilega að reisa þrefalt fleiri stóriðjuver á suðvesturhorninu. Ef eitthvað gengur vel utan suðvesturhornsins þá er það svo voðaleg þensla að um að gera að drepa það niður í hvelli. En að reisa milljarða fjölleikahús í miðborginni, opna ný hótel og kaffihús fyrir tugi milljarða og byggja upp ný hverfi eins og gorkúlur . Það er ekki þensla, það er menning, það er mikið gott. Mikið gaman.

 Og heyrist eitthvað í þingmönnum ......? Jú,  þeir eru flestir í útlöndum.

Er til sameiginlegur auður þjóðar?

Þegar skoðað er hvað ritað er um umhverfismál , virkjanir og stóriðju dettur manni í hug að sameiginlegur auður þjóðarinanr sé ekki til. Auðurinn er á vissum svæðum, bólfestur, og þangað leitar meiri auður. Þar má menga og svína allt út, land er þar einskis vert nema sem byggingalóðir og taflborð brasksins. Annars staðar á landinu er allt heilagt og ekki má lyfta rassi í prumpstöðu nema hafa til þess samþykki einhverra ömurlegra skriffinna sem eru geðvondir og pirraðir af mengun og svifryki í borgarhöllunum sínum reistum af almanna fé. Umhverfishyskið sem hefur ekki gróðursett eina einustu trjáplöntu á lífsleiðinni, heldur að eyðimerkur séu fagurt lögmál og trúir því að við getum lifað af kaffiþambi og menningarsnobbumræðu á fínum restauröntum hefur hafið hernað gegn landinu og hefur alla fjölmiðlaflóruna með sér

Hvað er að ykkur borgarinnar börn?

Eru tennur ónauðsynlegar?

Það liggur nú fyrir að það er enginn raunverulegur áhugi heilbrigðisyfirvalda á því að íslensk ungmenni geti hafið lífið með heilar tennur. Áhugi Alþingismanna kemur fram í því að framlög til tannlækninga á fjarlögum hafa minnkað um meir en 100% frá því að kerfið var tekið upp. Ekki nóg með það kerfi tannlæknatrygginga er svo lélegt að 22% ungra tryggingaþega nýta sér ekki þetta vonlausa kerfi -- heldur eru afgangs 70-80 milljónir af rýrum fjárframlögum til tannlækninga ár eftir ár.

 Þversögn?

Nei, það er engin eftirspurn eftir lélegum styrkjum Tr til tannlækninga. Styrkjum sem duga aðeins til að greiða 40-50% raunverulegs tannlækningakostnaðar. Tennur eru líklega ónauðsynlegar. Stóri Bróðir hefur ákveðið það. Hvað var stóri bróðir að skipta sér af þessum málum ef það lá ekki á bak við að ná árangri?

Tannlæknafrétt

Nú er loksins eitthvað að gerast í tannheilbrigðismálum. Máttur frétta er mikill og um leið og einhver dugnaðarforkur tekur sig til að setur sig inn í málin og kemur með vel byggða frétt um málið --þá fer allt af stað. Sama dag og þessi frétt birtsit var haldinn fundur í heilbrigðisráðuneytinu þar sem fulltrúar ráðuneytis og tannlækna skiptust á skoðunum í fyrsta skipti í átta ár. Fréttin er hér http://mbl.is/mm/frettir/frett.html?nid=1249700

Listi Sjálfstæðisflokksins í NA-kjördæmi

Á fámennu kjördæmisþingi í Mývatnssveit( rétt rúmlega 50 manns mættu) var listinn borinn upp og samþykktur. Tillaga kjörnefndar var samþykkt einróma en áður hafði verið kosið um 7.sætið milli mín og Ingibjargar Aspar Stefánsdóttur. Ingibjörg sigraði með yfirburðum 39 -13 ef ég man rétt og er hún í 7.sæti listans. Sjálfstæðisfélag Húsavíkur og nágrennis hafði samþykkt einróma að styðja mig til þess sætis svo ég taldi skyldu mína að láta á það reyna. Ekki veit ég hvaða horn Akureyringar hafa í síðu minni en ekki finn ég mikið fyir því í daglegu amstri en þeir eru afskapleg illa hyrndir og erfitt að átta sig á hvert hornin stefna. Friðrik Sigurðsson bóksali á Húasvík verður fulltrúi svæðisins (17% landsins) í 8. sæti og mega Þingeyingar muna sinn fífil fegurri á lista flokksins í kjördæminu. En svona er það bara. Ég óska listanum góðs gengis í kosningunum.

Norðurþing Hvað er nú það?

Fyrir síðustu sveitarstjórnarkosningar sameinuðust fjögur sveitarfélög í Þingeyjarsýslum. Húsavík, Kelduneshreppur, Öxarfjarðarhreppur og Raufarhafnarhreppur urðu eitt sveitarfélag sem nær yfir rúmlega 17% landsins en aðeins 2% íbúa landsins eiga heimilisfesti í hinu nýja sveitarfélagi. Þetta sveitarfélag sem býr svo vel að eiga mestu náttúruperlur landsins innan sinna landamæra á undir högg að sækja. Náttúrusnobbið og raunveruleikafirrt umhverfisöfgaliðið er að gera út af við allar framfarir og uppbyggingarmöguleika í þessu sveitarfélagi.

Nú er nóg komið af allskonar vitringum sem finnst eðlilegast í heimi að kveikja ljós og hafa hita heima hjá þeim sjálfum en á sama tíma seú það umhverfisspjöll að aðrir njóti þess sama. Þetta umhverfishyski hefur ekki hugmynd um náttúru eða fegurð enda sér það lekki engra en yfir barminn á kaffibollanum sínum á stöðunum sem eru "in " í það og það sinnið og leggur ekki í lengri ferðir en út á Keflavíkurvöll til að komast til London eða Parísar. Skoðið kostulegt blogg Samfylkingarfagurgalans Guðmundar Steingrímssonar.

Meiri menning!

Menningin heldur áfram í borg bleytunnar. Nú var farið og sægreifinn eini sanni skoðaður. Hann er frábær og súpan hans er ein sú besta . Aðeins Kaldbaksfiskisúpan er betri. Tókum rimmu um pólitík og fiskivísindi . Af tilviljun var Jóhann Sigurjónsson og frú hans að gæða sér á súpu. Hann er gamall skólabróðir okkar Snædísar. Var hann kafsigldur á staðnum af okkur sægreifanum og gaf hann mér úrvals ál reyktan að skilnaði. Þetat var frábært og mæli ég með heimsókn á Sægreifann við Mýrargötu. Frábær súpa, frábær greifi, tign og virðing og skemmtilegheit.